Hey-ის მანგა „კამიინა ბოტანი, იოჰერუ სუგატა ვა იური ნო ჰანა“-ზე (კამიინა ბოტანი, მისი მთვრალი გარეგნობა ლილიის ყვავილს ჰგავს) დაფუძნებული სატელევიზიო ანიმეს გუნდმა ორშაბათს გამოაქვეყნა თიზერ პრომო ვიდეო. თიზერში ნათქვამია, რომ ანიმეს პრემიერა 10 აპრილს გაიმართება, გუნდმა ასევე გამოაცხადა ინფორმაცია ანიმეს დასასრულის თემის სიმღერისა და თანმხლები სცენების შესახებ. ანიმეს პრემიერა ტოკიო MX, BS11, ტოჩიგი TV, გუნმა TV და TV საიტამა არხებზე 10 აპრილს, 24:00 საათზე (ფაქტობრივად, 11 აპრილს შუაღამისას) გაიმართება. ექვსი მთავარი როლის შემსრულებელი თითოეული პერსონაჟის სახელით შეასრულებს დასასრულის თემის სიმღერის „კანჯო გლასი“ (ემოციური ჭიქა) განსხვავებულ ვერსიას. პერსონაჟების დიზაინერი კო იოშინარი დასასრულის სცენებს თავად ხატავს, რომლებიც განსხვავებულია თითოეული ეპიზოდისთვის. საიუმი სუზუშირო მთავარ პერსონაჟ ბოტანს (სურათზე მარჯვნივ) ახმოვანებს. მსახიობთა შემადგენლობაში ასევე არიან: იოშინო აოიამა იბუკი ტომინოს როლში, მინაკო კოტობუკი კანადე გუჯოს როლში, იურინა ამამი აკანე იუსას როლში, მიუ ტომიტა იაეკა კიტამორის როლში და მაკი კავასე ჩანგ ჩინ-ლანის როლში. ტაკაში საკუმა (რეჟისორი 16bit Sensation: Another Layer-ზე, სოლო ლეველინგის ეპიზოდების რეჟისორი) ანიმეს რეჟისორია Soigne-ს სტუდიაში, ასისტენტ-რეჟისორად კი შუნტარო ტოძავა (Undead Unluck, Fire Force-ის ეპიზოდების რეჟისორი) მუშაობს. კო იოშინარი (White Album) პერსონაჟების დიზაინერია, ხოლო იუსუკე მაცუო (Evangelion: 2.0 You Can (Not) Advance ფილმის მთავარი ანიმატორი) და მიაჩი (Eiga no Osomatsu-san-ის მთავარი ანიმატორი) მთავარი ანიმატორები არიან. იოკო იონაიამა (A Sign of Affection) სერიების სცენარზე მუშაობს, ხოლო კანა ჰაშიგუჩი (Magic Maker: How to Make Magic in Another World, The tale of outcasts) მუსიკის კომპოზიტორია. ანიმეს პრემიერა 2026 წლის აპრილში შედგება. Hey-მ მანგა Akita Shoten-ის Manga Cross ვებსაიტზე 2019 წლის მარტში გამოუშვა. Akita Shoten-მა მანგას პირველი კრებული 2020 წლის იანვარში გამოსცა, მეექვსე ტომი კი 18 მარტს გაიყიდა. წყაროები: Kamiina Botan, Yoheru Sugata wa Yuri no Hana-ს ანიმეს ვებსაიტი, Comic Natalie.