Netflix-ი ახალ სერიალს „ბრეიკერები“ („Breakers“) შეუკვეთავს. სტრიმინგის სერვისის ახალი სერიალის მთავარ როლს ანტონი სტარი (ზემოთ, მარცხნივ), ცნობილი სერიალიდან „ბიჭები“ („The Boys“), შეასრულებს. Deadline-ის ცნობით, სერიალის გადაღებები დასავლეთ ავსტრალიაში უკვე დაწყებულია და ივნისში დასრულდება. Netflix-ის სერიალის სიუჟეტის შესახებ შემდეგი ინფორმაცია გახდა ცნობილი: „„ბრეიკერები“ (ასევე ცნობილი როგორც „წითელი ბლეფი“) მოგვითხრობს ორ საუკეთესო მეგობარზე აშშ-დან, რომლებიც ავსტრალიაში ზურგჩანთებით სამოგზაუროდ მიდიან და მალევე აღმოჩნდებიან სერფერების ერთი შეხედვით სრულყოფილ საზოგადოებაში, რომელსაც ქარიზმატული, მაგრამ იდუმალი ფიგურა, ბრანდო, სტარის შესრულებით, უძღვება.“ სერიალის პრემიერის თარიღი მოგვიანებით გახდება ცნობილი. რას ფიქრობთ? უყურებთ Netflix-ის ამ ახალ სერიალს?