Quiver Distribution-მა პოპულარული R-რეიტინგული სამოქმედო ფრენჩაიზის, „ბეკის“ მომავალი მესამე ნაწილის პირველი დეტალები გამოაქვეყნა. მთავარი როლის შემსრულებელი ლულუ უილსონი („ანაბელი: შექმნა“) თავის ტიტულოვან პერსონაჟს კვლავ განასახიერებს. ფილმის, რომლის სახელწოდებაც ახლა „ბეკის უკანასკნელი ცდუნებაა“, გადაღებები ჩრდილოეთ ირლანდიაში დასრულდა, რათა ის დაგეგმილი თეატრალური გამოსვლისთვის, 2026 წლის ზაფხულისთვის, მზად იყოს. „ბეკის“ პირველი ორი ფილმისადმი აუდიტორიის წარმოუდგენელი გამოხმაურების შემდეგ, აღფრთოვანებულები ვართ, რომ ლულუ უილსონი კვლავ დაუბრუნდება ამ პერსონაჟს, რომელიც მისთვის შეიქმნა“, — განაცხადეს Quiver Distribution-ის ხელმძღვანელებმა, ბერი მეიეროვიცმა და ჯეფ საქსმანმა. „ნილ პატრიკ ჰარისის და ლულუ უილსონის დაპირისპირება ამ სერიას სრულიად ახალ დონეზე აიყვანს და მოუთმენლად ველით, როდის ნახავს მაყურებელი, რა ელის ყველას, ვინც ბეკის გზაზე დადგება." უილსონს „ბეკის უკანასკნელ ცდუნებაში“ შეუერთდებიან ნილ პატრიკ ჰარისი („როგორ შევხვდი დედაშენს“), ბრენდონ ფლინი („13 მიზეზი რატომ“), ჯეიმს ურბანიაკი („ოპენჰაიმერი“) და ქეით სიგელი („აშერების სახლის დაცემა“). ჰარისი ახალი ფილმის მთავარ ბოროტმოქმედს განასახიერებს, რომელიც აღწერილია, როგორც ამბიციური ნაცისტი, რომელიც მეოთხე რაიხის დაწყებას იმედოვნებს. რაც შეეხება სიგელს, ის აგენტ ქეით მონტანას როლს დაუბრუნდება, მას შემდეგ, რაც მოკლედ გამოჩნდა 2023 წლის გაგრძელებაში, „ბეკის რისხვა“. ოფიციალური მოკლე შინაარსის მიხედვით, „ახლა, როდესაც ბეკი (უილსონი) CIA-ის საველე აგენტია, მას ფარულად აგზავნიან პოლონეთში, რათა შეაღწიოს სასტუმროს მეპატრონეების ოჯახში, რომელიც ტურისტულ ბიზნესს მართავს „მგლის ბუნაგში“, ჰიტლერის მეორე მსოფლიო ომის ბუნკერში. მას შემდეგ, რაც გაიგებს, რომ მამა, ვილჰელმ რეუსი (ჰარისი), მეოთხე რაიხის შექმნის მისიაშია, ბეკი საქმეს საკუთარ ხელში იღებს.“ მესამე ფილმის რეჟისორი ჯენ ვექსლერი იქნება, სცენარი კი მეთ ენჯელმა დაწერა, რომელიც ენჯელისა და სიუზან ქუთის ისტორიას ეფუძნება. მსახიობთა გუნდის ლიდერობის გარდა, უილსონი ახლა ასევე აღმასრულებელი პროდიუსერია ჰარისთან, ლუი უინთერსთან, ნიკ მორისთან, ჯო და მაიკ ჰუგენოტთან, კევინ და ბრაიან დებულდთან, ნიკოლას ემანუელთან, აარონ დალა ვილასთან, კარლ მოელენბერგთან, Quiver Distribution-ის ბერი მეიეროვიცთან და ჯეფ საქსმანთან ერთად. ფილმის პროდიუსერები არიან რას პოსტერნაკი და ჩად ჰარბოლდი Post Film-დან, ლარი გრინბერგი Quiver Distribution-დან, პოლ კენედი და აიდინ ჰენდი Village Films-დან, ჯორდან იელ ლევინი და ჯორდან ბეკერმანი. ვექსლერმა დასძინა: „პირველი ორი ფილმის დიდი ფანი ვარ, წარმოუდგენლად აღფრთოვანებული ვარ, რომ „ბეკის“ სამყაროს ნაწილი ვარ და მისი მემკვიდრეობის წინ წაწევაში ვეხმარები. დიდხანს იცოცხლე, ბეკი!“ „„ბეკის უკანასკნელი ცდუნებით“, ჩვენ ფრენჩაიზის ყველაზე მასშტაბურ, ყველაზე სისხლიან და ყველაზე უკონტროლო ნაწილს წარმოვადგენთ, ბეკის ფანების საყვარელ ელემენტებს ახალ დონეზე ვაგვყავართ“, — გაამხილა პოსტერნაკმა.