HBO-მ გამოაცხადა, რომ „დრაკონის სახლის“ დასრულების თარიღი ცნობილია და სერიალი მეოთხე სეზონით დასრულდება. სერიალში, რომელიც ჯორჯ რ.რ. მარტინის რომან „ცეცხლი და სისხლი“-ს ეფუძნება და „სამეფო კარის თამაშების“ პრიქველს წარმოადგენს, მთავარ როლებს ასრულებენ მეთ სმიტი, ემა დ’არსი, ოლივია კუკი, რის იფანსი, სტივ ტუსენი, ევ ბესტი, ფაბიენ ფრენკელი, მეთიუ ნიდემი, სონოია მიზუნო, ტომ გლინ-კარნი, იუენ მიტჩელი, ჰარი კოლეტი, ბეთანი ანტონია, ფიბი კემპბელი, ფია საბანი და ჯეფერსონ ჰოლი. კეისი ბლოისმა Deadline-თან სერიალის მომავალზე ისაუბრა. მან განაცხადა: „იდეა ყოველთვის იყო ტარგარიენების ისტორიის მიდევნება. თუ წიგნებს იცნობთ, იცით, როგორ მთავრდება ტარგარიენების ისტორია. ამდენად, ტარგარიენების სახლის ამ კონკრეტულ ისტორიას ბუნებრივი დასასრული აქვს.“ აღსანიშნავია, რომ „დრაკონის სახლის“ მესამე სეზონი ეთერში ამ ზაფხულს გამოვა.