ემერალდ ფენელის „ქარიშხლიანი უღელტეხილი“: წარმატება, კონტროვერსია და რეჟისორის ხედვა

მიუხედავად კომერციული წარმატებისა, ემერალდ ფენელის მიერ „ქარიშხლიანი უღელტეხილის“ ადაპტაცია საკამათოდ მიიჩნიეს და მაყურებელი ორად გაყო. ფილმის გახსნამ მაყურებელი შოკში ჩააგდო. „ქარიშხლიანი უღელტეხილი“ დაიწყო კაცის ჩამოხრჩობით, რა დროსაც იქ მყოფნი უფრო მეტ ყურადღებას უნებლიე ფიზიკურ რეაქციას აქცევენ. მიუხედავად იმისა, რომ გამოსახულება შემაშფოთებელი იყო, ის მიზანმიმართულად იქნა შეტანილი და მისი დანიშნულება მხოლოდ შოკის გამოწვევა არ ყოფილა. ფენელმა USA Today-ს განუმარტა: „ფილმის პირველივე მომენტებით საჭიროა ტონის დადგენა და იმის თქმა, თუ რა არის ის. ეს არის ღრმად განცდილი რომანი. მაგრამ მე ასევე მინდოდა ხალხს გაეგო, რომ ის იქნებოდა მოულოდნელი, ბნელად იუმორისტული და შესაძლოა უფრო უცნაურიც, ვიდრე ისინი ელოდნენ. მნიშვნელოვანი იყო ადრევე გვეღიარებინა, რომ აღგზნება და საფრთხე ერთგვარად ერთი და იგივეა – ეს არის გოთური ჟანრის არსი. ასევე მნიშვნელოვანი იყო, რომ პირველი, რასაც ვხედავთ, ქეთი, ეს ახალგაზრდა გოგონაა, რომელიც თითქოს შეშინებულია, მაგრამ შემდეგ რეალურად აღფრთოვანებული. ეს ბევრს გვეუბნება მის პიროვნებაზე, მაგრამ ასევე ბევრს ბრონტეზეც. ჩვენ გვაქვს წარმოდგენა, რომ ისტორიული დრამების სამყარო იყო სურნელოვანი, ლამაზი, პასტელურ ფერებში შეფერილი და საყვარელი. სულაც არა. ეს იყო საშიში ადგილი საცხოვრებლად, ამიტომ ჩემთვის გადამწყვეტი იყო ამის ჩვენება თავიდანვე.“ მარგო რობიმ და ჯეიკობ ელორდიმ კეთი და ჰითკლიფი განასახიერეს ახალ ეკრანიზაციაში. თუმცა, ბრონტეს კლასიკური გოთური რომანის ფანები უკმაყოფილო დარჩნენ ფილმის ქასთინგის გადაწყვეტილებებით. მათ ასევე პრობლემად მიიჩნიეს ის, თუ რამდენად გადაუხვია ფილმმა წიგნიდან. ფენელმა დაიცვა შეტანილი ცვლილებები და განმარტა, თუ რატომ სურდა ფოკუსირება სიუჟეტის ცენტრში არსებულ რომანტიკაზე, ოჯახური ტრავმის, მწუხარების და შურისძიების თემების ნაცვლად. „ყველაფერი, რისი გაკეთებაც შემეძლო, იყო ფილმის შექმნა, რომელიც ისეთ გრძნობებს აღმიძრავდა, როგორსაც წიგნი მიქმნიდა, ამიტომ სწორად მომეჩვენა მეთქვა, რომ ეს არის „ქარიშხლიანი უღელტეხილი“ და ამავე დროს არ არის.“ კრიტიკის მიუხედავად, ან შესაძლოა სწორედ მათ გამო, „ქარიშხლიანი უღელტეხილი“ ჰიტად იქცა. მისი გამოსვლის პირველმა უქმეებმა ბოქს-ოფისი დაიპყრო, და ის ამჟამად 1939 წლის ფილმთან ერთად ლიდერობს რომანის ადაპტაციების Rotten Tomatoes-ის რეიტინგში (85%). ფენელისთვის მაყურებლის შოკში ჩაგდება უცხო არ არის. 2023 წლის ფილმის „სოლთბერნის“ სამარცხვინო „აბაზანის სცენამ“ მაყურებელიც და კრიტიკოსებიც გააოგნა. ეს ამაღელვებელი მომენტი „ქარიშხლიანი უღელტეხილის“ მომავლის წინასწარმეტყველება იყო. „სოლთბერნი“, რომელშიც ასევე ელორდი მონაწილეობს, ფსიქოსექსუალური აკვიატების, ტყუილებისა და მფლობელობის ამბავს მოგვითხრობს. მიუხედავად იმისა, რომ მაყურებელი დაინტერესებული იყო ფენელის მიერ ბრონტეს რომანის ადაპტაციით, ბევრს აწუხებდა მხატვრული თავისუფლება, რომელიც პირველი თრეილერის გამოსვლის შემდეგ გამოიყენეს. ფილმის გახსნის შეცვლასთან ერთად, დასასრულიც შეცვლილი იყო. ღია დასასრულმა ბევრს აფიქრებინა, ხომ არ მზადდებოდა სიქუელი, რომელიც შესაძლოა 2026 წლის ფილმიდან გამოტოვებულ მეტ მასალას დაფარავდა. „ქარიშხლიანი უღელტეხილი“, რომელიც ემილი ბრონტემ 1847 წელს თავისი ფსევდონიმით, ელის ბელით დაწერა, ასახავს კლასის, რასისა და სქესის ბრძოლებს 1840-იანი წლების იორკშირის ჭაობებში. ფენელის ეკრანიზაციამ მის ბნელ მგრძნობელობასა და იუმორის გადარეულ გრძნობას მიმართა, რამაც რობერტ ეგერსის „ნოსფერატუსთან“ შედარება გამოიწვია. ორივე ფილმი გოთური მასალის თანამედროვე ადაპტაციაა თანამედროვე ელემენტებითა და შემაშფოთებელი შესრულებით. „ქარიშხლიანი უღელტეხილი“ ამჟამად მსოფლიოს კინოთეატრებში გადის.