კემონომიჩის შემქმნელები კიშუს ვებ ნოველის მანგა ადაპტაციას გამოუშვებენ

კადოკავას ჟურნალ „Monthly Shōnen Ace“-ის მარტის ნომერში ორშაბათს გამოცხადდა, რომ „კემონომიჩის“ შემქმნელები მო-სუკე მატტაკუ და იუმეუტა კიშუს ვებ ნოველის, „Tensei Bonjin no Eiyū Sakusei Kyōshitsu“ (კლასი რეინკარნირებული ჩვეულებრივი ადამიანების გმირების შესაქმნელად), მანგა ადაპტაციას გამოუშვებენ. აღნიშნული ადაპტაცია აპრილის ნომერში, 26 თებერვალს გამოვა. კიშუმ მოთხრობა Kakuyomu-ს ვებსაიტზე 2024 წლის დეკემბერში გამოაქვეყნა. კადოკავა 19 მარტს გამოაქვეყნებს ნოველის ბეჭდურ ვერსიას, ნეცუკის ილუსტრაციებით. მოთხრობა ორიენტირებულია არამეგობრულ და ჩვეულებრივ მასწავლებელზე, რომელიც არაორდინარულ მეთოდებს იყენებს თავისი მოსწავლეების დასახმარებლად – მაგალითად, ავანტიურისტს, რომელიც თავისმა ჯგუფმა მიატოვა, ან გოგონას, რომელსაც მაგიის გამოყენება არ შეუძლია, მიუხედავად იმისა, რომ ჯადოქრების ოჯახიდანაა. ის ეხმარება მათ საკუთარი თავის პოვნასა და ფარული პოტენციალის აღმოჩენაში. მატტაკუს, იუმეუტას და ნაცუმე აკაცუკის „კემონომიჩის“ მანგა (სურათზე მარჯვნივ) 2024 წლის აგვისტოში კადოკავას Shōnen Ace-ის ჟურნალში დასრულდა. სერიალი აკაცუკიმ („Konosuba“-ს ავტორი) დაწერა, ხოლო ნახატები „Baka & Test - Summon the Beasts“-ის მხატვრულმა გუნდმა, მატტაკუმ და იუმეუტამ შეასრულეს. დუეტმა მანგა Shōnen Ace-ში 2016 წლის ნოემბერში დაიწყო. კადოკავამ მანგას მე-14 და ბოლო ტომი 2024 წლის ოქტომბერში გამოსცა. მანგამ შთააგონა სატელევიზიო ანიმე სახელწოდებით „Kemono Michi: Rise Up“ („Hataage! Kemonomichi“), რომლის პრემიერა 2019 წლის ოქტომბერში შედგა. Funimation-ი ანიმეს იაპონიაში ჩვენების პარალელურად სტრიმავდა და სერიები Blu-ray დისკზე 2020 წლის სექტემბერში გამოუშვა. მატტაკუმ 2024 წლის აპრილში „Inuta-san“-ის ვებ კომიქსი X-ზე (ყოფილი Twitter) გამოუშვა. სერიალი ამჟამად მიმდინარეობს. წყარო: Shōnen Ace, მარტის ნომერი