ავტორი: თამალ კუნდუ პოპულარულმა სერიალმა, რომელიც რეალური სამეფო ოჯახითაა შთაგონებული, სპინ-ოფი წარმოადგინა. „მაქსიმა“ ნიდერლანდური ბიოგრაფიული დრამაა, ადაპტირებული 2022 წლის რომანიდან „პატრია, მაქსიმა ზორეგეტას პირველი წლები“, რომლის ავტორიც მარსია ლუიტენი გახლავთ. როგორც რომანი, ისე სერიალი ნიდერლანდების დედოფალ მაქსიმას ცხოვრებას და ვილემ-ალექსანდრესთან მის ურთიერთობას იკვლევს. ამასობაში, სპინ-ოფის სიუჟეტი ნარინჯას-ნასაუს პრინცესა მეიბლისა და ბურბონ-პარმის პრინცესა მარგარიტას გარშემო განვითარდება. „მაქსიმა“ საკუთარ ფრენჩაიზს პირველი სპინ-ოფით, „სხვა როიალები – მაქსიმას ამბავი“ აფართოებს. მისი ნარატივი 1999 წელს დაიწყება, როდესაც პრინცესა მეიბლი და პრინცესა მარგარიტა თავიანთ მომავალ პარტნიორებს შეხვდებიან. პროდიუსერ რეიჩელ ვან ბომელის თქმით, მიუხედავად იმისა, რომ გუნდმა ნიდერლანდების სამეფო ოჯახის კიდევ რამდენიმე წევრი წარმოადგინა მე-2 სეზონში, მათ „ყველაფრის გამოყენება ვერ მოახერხეს“. ვან ბომელმა დასძინა: „ჩვენ ვაჩვენებთ ნარინჯას-ნასაუს პრინც ფრისოს და ნიდერლანდების კონსტანტინეს, თუმცა მათ ისტორიებს არასდროს ვუღრმავდებით. სათქმელი ბევრად მეტი იყო“ (Variety-ის ცნობით). აღსანიშნავია, რომ „მაქსიმას“ მე-2 სეზონის პრემიერა ნიდერლანდებში 14 მარტს შედგება. მოგვიანებით, ის საერთაშორისო ქსელებშიც გამოვა. მესამე სეზონი კი მუშავდება. სპინ-ოფის მსახიობთა შემადგენლობაში არიან კლერ ბენდერი პრინცესა მეიბლის როლში და ბრამ სუიკერი პრინც ფრისოს როლში. ხუთსაათიან სერიალს Millstreet Films FBO-სა და Beta Film-თან ერთად გადაიღებს. სასკია დიზინგი, რომელიც ორიგინალური სერიის ეპიზოდებს ხელმძღვანელობდა, სპინ-ოფს ჰიბა ვინკთან ერთად გადაიღებს. ვან ბომელმა აღნიშნა, რომ ახალი სერიალი „ადამიანურ პერსპექტივას“ იკვლევს და განმარტა: „თუ შობ და შემდეგ 17 მილიონ ადამიანს უნდა აჩვენო საკუთარი თავი და შენი შვილი, მაყურებელს შეუძლია გაიგოს, რას გრძნობს ადამიანი. ისინი სამეფო ოჯახის წევრები არიან, მაგრამ მათაც ჰყავთ შვილები, რომლებიც თინეიჯერები ხდებიან, უყვარდებათ და სახლიდან იპარებიან.“ იუსტუს რიზენკამპფმა, Beta Film-ის ჩრდილოეთ ევროპისა და ბენელუქსის აღმასრულებელი ვიცე-პრეზიდენტმა, ხაზი გაუსვა ორ შოუს მთავარ პერსონაჟებს შორის ფუნდამენტურ განსხვავებებს. „მაქსიმა ზოგჯერ თითქმის ხელშეუხებელი ჩანს“, – აღნიშნა რიზენკამპფმა. „მისთვის ყველაფერი მარტივად ხდება. მეიბლი და მარგარიტა ბევრად მეტს იბრძვიან. და ეს, ისევ და ისევ, ნამდვილად ადამიანურია.“