DCU-ს სერიალის „მწვანე ფარნები“ (Lanterns) ოფიციალური ლოგო ახლახან გავრცელდა ინტერნეტში. თუმცა, მის მინიმალისტურ დიზაინს ზოგიერთი გულშემატკივრისგან თბილი გამოხმაურება არ მიუღია. სოციალურ ქსელებში ხშირი იყო საჩივარი მწვანე ფერის ნაკლებობის გამო, რომელიც პერსონაჟის კოსტუმისა და ძალების განმსაზღვრელი ფერია ლოგოზე. ლოგოზე, ქვედა შუა ნაწილში არსებული მცირე ელფერის გარდა, მწვანე ფერი თითქმის არ არის წარმოდგენილი. ზოგიერთმა გულშემატკივარმა მწვანე ფერის არარსებობა დიდ იმედგაცრუებად მიიჩნია და საკუთარი კრიტიკა ინტერნეტში გამოთქვა. „სერიოზულად? მწვანე ფარნის ბეჭდიდან არანაირი მწვანე შუქი არ მოდის?“ – დაწერა ერთმა გულშემატკივარმა X-ზე (ყოფილი Twitter). მეორე მომხმარებელმა გააზიარა სურათი, რომელიც, მისი აზრით, სერიალის იდეალურ ლოგოს წარმოადგენდა და დაწერა: „ძალიან ბევრს ვითხოვდი?“. „ვერც კი გაამწვანეს? ეს საშინელებაა“, – დაწერა სხვა კომენტატორმა. ამასობაში, ერთ-ერთმა გულშემატკივარმა გააზიარა სხვა გულშემატკივრის ტვიტის სქრინშოტი, სადაც ნათქვამი იყო, რომ DC-ს ეშინოდა თავის ლოგოებში რაიმე პიროვნული ელემენტის შეტანის, უბრალო თეთრი შრიფტის მიღმა. მან აღნიშნა: „წინასწარმეტყველება ახდა.“ უფრო მეტიც, ერთმა მომხმარებელმა ლოგოების ალტერნატიული ვერსიები შემოგვთავაზა, რომლებიც მარკეტინგში შეიძლებოდა გამოეყენებინათ. გარდა ამისა, ზოგიერთმა თავისუფლებაც კი მისცა საკუთარ თავს და შექმნა ლოგოები, რომლებიც, მათი მტკიცებით, უფრო მიმზიდველი იყო. „ამას „ფოტოშოპში“ სულ 5 წუთი დასჭირდა. მათ ნამდვილად შეეძლოთ უკეთესის გაკეთება.“ – წერს ერთ-ერთი ფანი. „მე უკეთესი შემიძლია.“ – ამბობს მეორე. „მწვანე ფარნები“ HBO-ზე 2026 წლის ზაფხულის ბოლოს გამოვა. ჯეიმს განის თქმით, შოუს წინაპირობა შთაგონებულია ჰიტ-სერიალით „ნამდვილი დეტექტივი“. ის მოგვითხრობს „მწვანე ფარნების კორპუსის“ ვეტერან წევრ ჰალ ჯორდანზე, რომელიც წვრთნის ახალწვეულ ჯონ სტიუარტს, სანამ ისინი ნებრასკაში იდუმალ მკვლელობას იძიებენ. კაილ ჩენდლერი და აარონ პიერი სერიალში შესაბამისად ჯორდანისა და სტიუარტის როლებს შეასრულებენ. სერიალში ასევე ითამაშებენ კელი მაკდონალდი და ნეითან ფილიონი, რომელიც გაი გარდნერის როლს განაახლებს 2025 წლის „სუპერმენიდან“. დამხმარე მსახიობებს შორის არიან: გარეტ დილაჰანტი, ჯეისონ რიტერი, ნიკოლ არი პარკერი, პურნა ჯაგანათანი, ულრიხ თომსენი, შერმან ოგასტუსი და ჯ. ალფონს ნიკოლსონი.