Netflix-ის ერთ-ერთი უახლესი პოპულარული სერიალი მეორე სეზონით განახლდა. სპორტული თინეიჯერული დრამა „Finding Her Edge“, რომლის პრემიერაც გასულ თვეს შედგა, Netflix-ის განცხადებით, მეორე სეზონით გაგრძელდება. სერიალი Netflix-ის ინგლისურენოვანი სატელევიზიო შოუების ტოპ 10 ჩარტში მოხვდა და ამ კვირაში მე-3 ადგილზე ავიდა. სერიალმა ასევე მიაღწია ტოპ 10-ს 81 ქვეყანაში და უკვე 12 მილიონზე მეტი ნახვა დააგროვა. განახლებასთან დაკავშირებით გაკეთებულ განცხადებაში, შოურანერმა ჯეფ ნორტონმა მადლობა გადაუხადა Netflix-ს და ყველა მაყურებელს ისტორიის გაგრძელების შესაძლებლობისთვის. სერიალი ჯენიფერ იაკოპელის ამავე სახელწოდების რომანზეა დაფუძნებული. „ჩემი მიზანი იყო შემექმნა შოუ სიყვარულზე, პერსონაჟებით, რომლებიც რთულ გზას გადიან როგორც პირად ცხოვრებაში, ასევე სპორტში“, - განაცხადა ნორტონმა. „ნამდვილი საჩუქარია, ასეთ ნიჭიერ მსახიობებთან ერთად მუშაობა და ამ პერსონაჟების მოგზაურობის გაგრძელება მეორე სეზონში, Netflix-ისა და WildBrain-ის მხარდაჭერით. დარწმუნებული ვარ, ფანები აღფრთოვანებულნი დარჩებიან, რადგან უფრო ღრმად ჩავუღრმავდებით ორ სასიყვარულო სამკუთხედს, რომლებიც ჩვენი შოუს მთავარი ხაზია — რომანტიკული და საოჯახო. ყინულზეც და ყინულის მიღმაც ბევრი დრამა გველოდება“. „Finding Her Edge“-ში მთავარ როლებს ასრულებენ მადელინ ქეისი, ჰარმონ უოლში, ალექსანდრა ბილტონი, ქეილ ამბროზიჩი, ოლი ატკინსი, მერედით ფორლენზა, ელის მალახოვი, ნიკო ჩეჩი და მილი დევისი. სერიალის რეჟისორები არიან შამიმ სარიფი და ჟაკლინ პეპალი, ხოლო სცენარის ავტორები — შელი სკაროუ (მთავარი სცენარისტი), საბრინა შერიფი, ნორტონი და პეპალი. „Finding Her Edge“ მოგვითხრობს რუსოს სამ დის შესახებ, რომლებიც ფიგურული სრიალის გაჭირვებული დინასტიის მემკვიდრეები არიან. შუათანა და, ჩვიდმეტი წლის ადრიანა, მსოფლიო ჩემპიონატისთვის ახალ პარტნიორ ბრეიდენთან ერთად ვარჯიშობს, თუმცა კვლავ აქვს გრძნობები თავისი პირველი სიყვარულისა და ყოფილი პარტნიორის, ფრედის მიმართ“, – ნათქვამია შოუს ოფიციალურ სინოფსისში. „მისი ცხოვრება რთულდება, როდესაც ის და ბრეიდენი ყინულის მიღმა თავს წყვილად წარმოაჩენენ, რათა სპონსორობა მოიპოვონ და ფინანსურად გაჭირვებული რუსოს მოედანი გადაარჩინონ“.