Searchlight Pictures-მა ოფიციალურად გამოაცხადა ფილმ „ენ ლიის ანდერძის“ (The Testament of Ann Lee) ციფრული გამოშვების თარიღი, რითაც ცნობილი გახდა, როდის იქნება შესაძლებელი სახლში ნახვა ფილმის, რომელიც ბევრის აზრით, ოსკარების დაჯილდოებისას უსამართლოდ იქნა უგულებელყოფილი. „ენ ლიის ანდერძის“ ციფრული რელიზის თარიღად 2026 წლის 10 მარტი დასახელდა. ამ დღიდან ფილმის ნახვა შესაძლებელი იქნება ციფრულ პლატფორფებზე, როგორებიცაა Amazon Prime Video, Apple TV, Fandango at Home და სხვა. ციფრულ გამოშვებასთან ერთად, ფილმს სახლში ნახვისთვის განკუთვნილი ახალი ბონუს მასალაც დაემატება, რომელიც ფილმის შექმნის პროცესში ჩახედვას გვთავაზობს. ამ „განსაკუთრებული ხედვის“ ფარგლებში, მაყურებელს შეეძლება შეუერთდეს კინემატოგრაფისტებსა და მსახიობებს – მათ შორის რეჟისორ/თანასცენარისტ მონა ფასტვოლდს და მსახიობ ამანდა სეიფრიდს – რათა გაეცნოს ამ ორიგინალური ფილმის შექმნის კულისებს. ფილმი მოგვითხრობს თანაგრძნობაზე, ემპათიაზე, საზოგადოებასა და ერთი ქალის ქარიზმატულ ლიდერობაზე შეიკერების მოძრაობის დაარსებაში. მაყურებელი გაიგებს დეტალებს კვლევის, დეკორაციების, კინემატოგრაფიის, ქორეოგრაფიის, მუსიკისა და კოსტიუმების დიზაინის შესახებ, რამაც შექმნა ფილმის მომაჯადოებელი და არაჩვეულებრივი იერსახე და ატმოსფერო. „ჭეშმარიტ ლეგენდაზე დაფუძნებული „ენ ლიის ანდერძი“ ასახავს შეიკერების სახელით ცნობილი რელიგიური სექტის დამაარსებლის ისტორიას. ამანდა სეიფრიდი ასრულებს შეიკერების პატივცემული, შეუკავებელი ლიდერის როლს, რომელიც ქადაგებს გენდერულ და სოციალურ თანასწორობას. ხელახლა ინტერპრეტირებული შეიკერული ჰიმნებით, ფილმი ასახავს ლიის ექსტაზს და ტანჯვას უტოპიის შექმნის მცდელობაში,“ – ნათქვამია ფილმის ოფიციალურ სინოფსისში. ფილმში შესრულებული როლისთვის სეიფრიდი ნომინირებული იყო „ოქროს გლობუსზე“ საუკეთესო მსახიობი ქალის კატეგორიაში (კომედია ან მიუზიკლი), მაგრამ არ მიუღია „ოსკარის“ ნომინაცია. ფილმის რეჟისორია მონა ფასტვოლდი („მომავლის სამყარო“, „ბრუტალისტი“), რომელმაც სცენარი ბრეიდი კორბეტთან ერთად დაწერა. სეიფრიდის გარდა, მსახიობთა ანსამბლში შედიან: თომასინ მაკკენზი, ლუის პულმანი, ტიმ ბლეიკ ნელსონი, კრისტოფერ ებოტი, სტეისი მარტინი, მეთიუ ბერდი, ვიოლა პრეტჯონი და სხვები. მისი პროდიუსერები არიან კორბეტი, ფასტვოლდი, ენდრიუ მორისონი, ჯოშუა ჰორსფილდი, ვიქტორია პეტრანი, გრეგორი იანკილევიჩი, კლაუდია სმიეჟა-როსტვოროვსკა, ლილიან ლასალი და მარკ ლამპერტი.