„Pokémon Presents“-ის ლაივსტრიმზე, რომელიც პარასკევს, Pokémon Day-ის დღეს გაიმართა, გამოცხადდა, რომ Nintendo Switch 2-ის „Nintendo GameCube - Nintendo Classics“ სერვისს მარტში დაემატება თამაში Pokémon XD: Gale of Darkness. სტრიმზე ასევე ნაჩვენები იყო თრეილერიც (ვიდეო დაახლოებით 9:37-დან იწყება): „Nintendo GameCube - Nintendo Classics“ სერვისის თავდაპირველ ანონსში, რომელიც 2025 წლის აპრილში შედგა, ნათქვამი იყო, რომ სერვისს როგორც Pokémon Colosseum, ისე Pokémon XD: Gale of Darkness დაემატებოდა. თუმცა, Pokémon Colosseum-ის Nintendo Switch Online-ისთვის გამოსვლის თარიღი ჯერ არ გამოცხადებულა. 3D როლური სპინ-ოფი თამაში Pokémon XD: Gale of Darkness GameCube-ზე თავდაპირველად 2005 წელს გამოვიდა. თამაშში მოთამაშეები იჭერენ Shadow Pokémon-ებს Cipher ორგანიზაციიდან და საბოლოოდ ხვდებიან Shadow Lugia-ს. თამაშის მოქმედება ვითარდება ორის (Orre) რეგიონში, ისევე როგორც მის GameCube წინამორბედ Pokémon Colosseum-ში. 3D RPG სპინ-ოფი Pokémon Colosseum იაპონიაში 2003 წელს, ხოლო დასავლეთში 2004 წელს გამოვიდა. ახალი თამაშები Pokémon Winds/Waves მსოფლიოს მასშტაბით Nintendo Switch 2-ზე 2027 წელს გამოვა. წყარო: Pokémon Presents