შიორი ამასეს მანგა „მაცუ კაგე ნი იკუ“ მეშვიდე ტომით დასრულდება

შიორი ამასეს მანგა „მაცუ კაგე ნი იკუ“-ს მეექვსე გამოცემაში ხუთშაბათს გამოცხადდა, რომ მანგა მეშვიდე ტომით დასრულდება. მანგა ეფუძნება იაპონელ ისტორიულ ფიგურა იოშიდა შოინის ცხოვრებას, მეცნიერის, რომელიც ბაკუმაცუს პერიოდში – იაპონიის ტოკუგავას შოგუნატის დაცემისა და კრახის დროს მოღვაწეობდა. მიუხედავად იმისა, რომ იოშიდა შოინი ვერ მოესწრო მეიძის რესტავრაციის განხორციელებას, მან განათლება მიანიჭა შოკასონჯუკუს აკადემიის მეცნიერებს, რომელთა რიგებიდანაც გამოვიდნენ ყველაზე ცნობილი იშინ-შიში – რადიკალური აგიტატორები, მოაზროვნეები, ჯარისკაცები და მკვლელები, რომლებიც ძირითადად იმპერატორის აღდგენას უჭერდნენ მხარს. ბევრი მათგანი მოგვიანებით მეიძის ოლიგარქიის პირველი პოლიტიკოსი და ლიდერი გახდა. მის სკოლაში იოშიდა შოინის სტუდენტებს შორის იყვნენ სამურაის სამხედრო ლიდერი ტაკასუგი შინსაკუ და მომავალი პრემიერ მინისტრები იტო ჰირობუმი და იამაგატა არიტომო. ამასემ მანგა Akita Shoten-ის Bessatsu Young Champion ჟურნალში 2020 წლის ოქტომბერში გამოუშვა. ამასემ თავისი მანგა „All Out!!“ Kodansha-ს Morning two ჟურნალში 2012 წელს დაიწყო და 2019 წლის ნოემბერში დაასრულა. Kodansha-მ მანგას მე-17 და ბოლო ტომი 2020 წლის თებერვალში გამოაქვეყნა. Kodansha USA Publishing მანგას ციფრულად, ინგლისურ ენაზე გამოსცემს. „All Out!!“ მანგამ სატელევიზიო ანიმე შთააგონა, რომლის პრემიერაც 2016 წლის ოქტომბერში შედგა. Crunchyroll-მა ანიმე ინგლისური სუბტიტრებით გადასცა, ხოლო Funimation-მა – ინგლისური დუბლირებით. Funimation-მა სერია ორ Blu-ray Disc/DVD ტომად 2018 წელს გამოუშვა. ამასემ მანგა „Koko wa Ima kara Rinri Desu.“ (ამიერიდან ვიწყებთ ეთიკას) Shueisha-ს Grand Jump Premium ჟურნალში 2016 წლის ოქტომბერში დაიწყო (ჟურნალს სახელი 2018 წლის დეკემბერში Grand Jump Mucha-დ შეეცვალა) და 2025 წლის აგვისტოში დასრულდა. Shueisha-მ მანგას მე-10 და ბოლო ტომი 2025 წლის ნოემბერში გამოაქვეყნა. მანგამ 2021 წელს ლაივ-ექშენ სერიალის ადაპტაცია შთააგონა. წყარო: „Matsu Kage ni Ikou“ ტომი 6