შუეიშას (Shueisha) Young Jump ჟურნალის წლევანდელმა მე-10 ნომერმა ხუთშაბათს გამოაცხადა, რომ მანგაკა ვაკამე კონბუ (Wakame Konbu) 12 თებერვალს ამ ჟურნალში გამოუშვებს ახალ მანგას სახელწოდებით „Watashi no Koto Suki Janakatta ka yo!?“ (ქართულად შეიძლება ითარგმნოს როგორც „მოიცადე, ნუთუ არ მოვწონვარ?!“). ჟურნალი ამ ნამუშევარს აღწერს, როგორც ჰარემის ჟანრის რომანტიკულ კომედიას, რომელიც სავსეა მცდარი ვარაუდებითა და პერსონაჟებით, რომლებიც საკუთარ თავზე ზედმეტად მაღალი აზრის არიან. მანგას ცენტრშია ბიჭი, სახელად ოკაბე (Okabe), რომელმაც დაიფიცა, რომ საშუალო სკოლაში მთლიანად სწავლას მიუძღვნის თავს, მაგრამ ის მუდმივად გარშემორტყმულია გოგონებით, რომლებიც მის მიმართ მიმზიდველად იქცევიან. კონბუს მანგის „The Great Jahy Will Not Be Defeated!“ სატელევიზიო ანიმეს პრემიერა შედგა 2021 წლის ივლისში. Crunchyroll-მა ანიმე იაპონიაში ეთერში გასვლის პარალელურად გადასცა. Square Enix Manga & Books ამ მანგას ინგლისურ ენაზე გამოსცემს. კონბუმ ეს მანგა Square Enix-ის Gangan Joker ჟურნალში 2017 წლის მარტში დაიწყო, სადაც ის დღემდე გრძელდება. კონბუმ მანგა „The Maid I Hired Recently Is Mysterious“ (იაპონურად: „Saikin Yatotta Maid ga Ayashii“) Gangan Joker-ში 2020 წლის იანვარში დაიწყო და 2023 წლის სექტემბერში დაასრულა. Yen Press-მა ამ მანგის ლიცენზია შეიძინა და ინგლისურ ენაზე გამოსცემს. ამ მანგის ანიმე ადაპტაციის პრემიერა 2022 წლის ივლისში შედგა. Crunchyroll-მა ანიმე იაპონიაში ეთერში გასვლის პარალელურად გადასცა და 2022 წლის აგვისტოში ინგლისური გახმოვანებაც დაიწყო. Yen Press ასევე გამოსცემს კონბუს მანგას „Breasts Are My Favorite Things in the World!“. კონბუმ ეს მანგა კადოკავას (Kadokawa) Comic Cune-ში 2017 წლის ივლისში დაიწყო და 2023 წლის აგვისტოში დაასრულა. წყარო: Young Jump-ის მე-10 ნომერი.