კამომე შირაჰამას მანგა „Witch Hat Atelier“-ის სატელევიზიო ანიმეს ოფიციალურმა ვებგვერდმა პარასკევს მთავარი პრომო ვიდეო გამოაქვეყნა. ვიდეო ცხადყოფს, რომ ანიმე ეთერში 6 აპრილს, საღამოს 11:00 საათზე, Tokyo MX-ზე და სხვა არხებზე გამოვა. აღნიშნული ვიდეო ასევე ავლენს კიდევ ექვს მსახიობს. ვებგვერდმა ასევე წარმოადგინა ახალი ვიზუალი, ისევე როგორც შოუს თემატური სიმღერების შემსრულებლები. Eve და suis ასრულებენ გახსნის თემატურ სიმღერას „Kaze no Anthem feat. suis from yorushika“ („ქარის ჰიმნი“), ხოლო Nakamura Hak ასრულებს დასკვნით თემატურ სიმღერას „Tada Utsukushii no Noroi“ („უბრალოდ ლამაზი წყევლა“). ზემოხსენებული ვიდეო ორივე სიმღერის ნაწყვეტს აჩვენებს. ანიმეში კოკოს როლს რენა მოტომურა შეასრულებს, ქიფრის როლს კი ნაცუკი ჰანაე. აიუმუ ვატანაბე („Ace Attorney“, „Doraemon“-ის ფილმები) BUG FILMS-ში ანიმეს რეჟისორია. ჰიროაკი კოჯიმა („Komi Can't Communicate“-ის ანიმაციის პროდიუსერი) პროდიუსერია. კაირი უნაბარა („Pokémon Evolutions“) პერსონაჟებს ქმნის. იუკა კიტამურა („Elden Ring“) მუსიკას წერს. მანგას სიუჟეტი მოგვითხრობს გოგონა კოკოზე, რომელიც პატარა სოფელში ცხოვრობს და ყოველთვის ოცნებობდა ჯადოქარი გამხდარიყო. მაგრამ მაგიური ნიჭის გარეშე დაბადება ნიშნავდა, რომ ის ვერასოდეს გახდებოდა ჯადოქარი და ვერასოდეს იხილავდა მაგიის ნაპერჩხალს. მან უარი თქვა თავის ოცნებაზე. მაგრამ ერთ დღეს, მის სოფელში მოგზაური ჯადოქარი, სახელად ქიფრი, ჩავიდა და კოკომ შემთხვევით დაინახა, როგორ ასრულებდა ის მაგიას. შირამამ მანგა Kodansha-ს ჟურნალ „Morning two“-ში 2016 წლის ივლისში გამოუშვა. Kodansha USA Publishing-მა სერიის ინგლისურენოვანი ვერსიის გამოცემა 2019 წლის აპრილში დაიწყო. სერია ნომინირებული იყო „საუკეთესო კომიქსის“ ჯილდოზე ანგულემის საერთაშორისო კომიქსების ფესტივალზე 2019 წლის იანვარში. მანგა ასევე ნომინირებული იყო მე-11 „Manga Taisho“ დაჯილდოებაზე 2018 წელს. სერია მოხვდა საუკეთესო მანგების ათეულში მამაკაც მკითხველთათვის 2018 წლის „Takarajimasha“-ს „Kono Manga ga Sugoi!“-ს (ეს მანგა საოცარია!) გზამკვლევში. მანგა 2020 წელს ამერიკის ბიბლიოთეკების ასოციაციის (ALA) ახალგაზრდული ბიბლიოთეკის სერვისების ასოციაციის (YALSA) „ათი საუკეთესო გრაფიკული რომანი მოზარდებისთვის“ სიაში მოხვდა. სერიამ 2020 წლის ოქტომბერში „Harvey Awards“-ზე „საუკეთესო მანგას“ ჯილდო მოიპოვა და ასევე მოიგო ეს ჯილდო 2025 წელს. მანგას 7 მილიონი ეგზემპლარია გავრცელებული მსოფლიოს მასშტაბით. წყაროები: Witch Hat Atelier-ის ანიმეს ვებგვერდი, Comic Natalie