BBC-მ სერიალ „Killing Eve“-ის სავარაუდო პრიქველის, „Honey“-ის ქასთი წარადგინა. სერიალის შესახებ ინფორმაცია, სახელწოდებით „Honey“, პირველად 2025 წლის აპრილში გავრცელდა, თუმცა ქსელს ჯერ არ დაუდასტურებია, რომ შოუ ფანების საყვარელი ჯაშუშური თრილერის პრიქველია. Deadline-ის ცნობით, „Honey“-ის მთავარ ქასთში შედიან: ენ სკელი (Martha Schmitt-ის როლში), ნეით მენი (Kurt Fischer-ის როლში), იანის ნივიონე (Friedrich Bauman-ის როლში) და რორი კინერი (Graham Anderson-ის როლში). სკელიმ აქამდე განასახიერა რეიჩელ რიდი „Red Rock“-ში, ბეთ ვინტერსი „Death and Nightingales“-ში, ლედი ეთელფლედი „Vikings“-ში, პენანს ადაირი „The Nevers“-ში და იზაბელ გორი „Four Letters of Love“-ში. Deadline ასევე იუწყება, რომ მართა შმიტი ქეროლაინ მარტენსის ახალგაზრდა ვერსიაა. ორიგინალურ სერიალში ამ პერსონაჟს ფიონა შოუ ასრულებდა, რისთვისაც BAFTA-ის ჯილდო მიიღო. ოფიციალური ანოტაციის თანახმად, სერიალის მოქმედება 1982 წელს აღმოსავლეთ ბერლინში ვითარდება და MI6-ის ქალ აგენტზეა ორიენტირებული, რომელიც ღრმა საფარქვეშ მუშაობს. „მტრებით გარშემორტყმული და მუდმივი საფრთხის ქვეშ, რომ მისი საფარი გამჟღავნდება, ის მთელი ძალისხმევით ცდილობს თავი აარიდოს სტაზის კონტრდაზვერვის ახალ ხელმძღვანელს, ფრიდრიხ ბაუმანს“, — ნათქვამია ანოტაციაში. „ფრიდრიხსა და უგუნურ, ამპარტავან (და წარმოუდგენლად მიმზიდველ...) CIA-ის აგენტ აარონ ნილენდს შორის მოქცეული, ის სურვილის ტყვეობაში აღმოჩნდება ამ ცივი ომის მენეჟ-ა-ტრუაში (სასიყვარულო სამკუთხედში).“ სერიალ „Honey“-ის სხვა მსახიობებს შორის არიან: სონიტა ჰენრი (Anne Anderson-ის როლში), ჯული ნამირი (Kamilla Akhmedova-ს როლში), ოლივერ კადბილი (Stefan Weiss-ის როლში), ვიქტორია მაიერი (Ingrid Schimmel-ის როლში), ვალენტინო დალე მურა (Rolf Muller-ის როლში), სოფია ოქსენჰემი (Greta Abstreiter-ის როლში), ჯულიან ნიდერმაიერი (Otto Kowalski-ის როლში) და დანიელ ზიელინსკი (Tomas Klein-ის როლში). BBC სერიალს ZDF-თან პარტნიორობით აწარმოებს. „Killing Eve“-ის მწარმოებელი კომპანია Sid Gentle ასევე ავითარებს „Honey“-ს. სცენარებს ემა მორანი წერს, რომელმაც ადრე შექმნა Hulu-ს სუპერგმირული კომედიური სერიალი „Extraordinary“. აღსანიშნავია, რომ „Killing Eve“ ლუკ ჯენინგსის წიგნის, „Codename Villanelle“-ის ადაპტაციაა. ის BBC America-ზე ოთხი სეზონის განმავლობაში, 2018-დან 2022 წლამდე გადიოდა.